അംബേദ്കർ ആധുനിക ഇന്ത്യയിൽ നവോത്ഥന ആധുനികതയുടെ ശാസ്ത്രബോധത്തെയും ജനാധിപത്യത്തിന്റെ ദർശനത്തെയും സമന്വയിപ്പിച്ച വിമർശചിന്തയുടെ ശക്തനായ വക്താവാണ്. അംബേദ്കർചിന്തയെ അഭിമുഖീകരിക്കാതെ സമകാലിക ഇന്ത്യയിൽ ജനാധിപത്യചിന്തയുടെ ഒരു ധാരക്കും ഗൗരവമായി സമൂഹത്തിൽ ഇടപെടാൻ കഴിയില്ല.
ഇന്ന് ഇന്ത്യയിൽ ഏറ്റവും കൂടുതൽ വായിക്കപ്പെടുന്നതും വീണ്ടെടുക്കപ്പെടുന്നതുമായ ഒരു ചിന്തകനാണ് അംബേദ്കര്. സാമൂഹിക ജനാധിപത്യത്തിൽ നിലനിൽക്കുന്ന സാഹോദര്യ ജീവിതത്തിലൂടെ മാത്രമെ രാഷ്ട്രിയ ജനാധിപത്യത്തിന് അതിജീവിക്കാൻ കഴിയു എന്ന് അദ്ദേഹം മുന്നറിയിപ്പ് നല്കി